AUE TV

    Societat

    1. AUE TV
    2. Societat

    Aprovada era mocion d’Unitat d’Aran en supòrt ara pagesia e ramaderia de montanha

    18/03/2024

    Eth plen deth Conselh Generau d’Aran a aprovat per unanimitat aguesta mocion presentada peth grup d’Unitat d’Aran ena maxima institucion en favor deth sector pagés

    AGRICULTURA I RAMADERIA
    Arròs
    Aguest maitin s’a amiat a tèrme eth plen ordinari deth Conselh Generau d’Aran, a on entre d’auti ahèrs, s’a aprovat era mocion presentada per UA en supòrt as reivindicacions dera pagesia e eth sector ramadèr.


    Era mocion, impulsada per esMontañas enes ajuntaments e comarques de montanha d’Espanha, demane ua PAC mès justa en tot adaptar-la as naues demandes, que se complisque era Lei dera Cadea alimentària era quau establís eth besonh d’uns prètzi justi e ne proïbís era venta a pèrtes, entre d’autes qüestions.


    Francés Bruna, conselhèr de Territòri, Paisatge e Cambi climatic e secretari de Politiques ambientaus e Pagesia d’Unitat d’Aran, manifestaue que “aguesta mocion preten visibilizar eth supòrt deth nòste partit a tota ua sèrie de demanes deth sector” e higie que “des deth govèrn d’Aran s’amien a tèrme tota ua sèrie d’accions d’ajuda e acompanhament ath sector ramadèr que non s’apliquen en d’auti endrets, çò que demòstre eth compromís damb eth sector ramadèr e agrari aranés”.


    HÒNT: UNITAT D'ARAN
    Manu Moga
    Tornar