Aguesta dimenjada arribe ua naua edicion d'Era Mongetada a Bossòst e Garòs

26/10/2017

Un an mès, es pòbles de Bossòst e Garòs acuelheràn “Era Mongetada”, era hèsta qu’a coma protagonista era mongeta de Bossòst, era varietat de mongeta aranesa qu’a dat lòc a un projècte de revalorizacion dera agricultura, era gastronomia e er auviatge d’Aran.

Enguan, Era Mongetada aurà lòc era dimenjada deth 28 e 29 d’octubre, dus dies cargadi d’activitats culturaus e gastronomiques que permeterà as visitants conéisher mès informacion sus aguesta varietat tan especiau de legum.

Dimenge tàs 13:00 ores aurà lòc er eveniment mès destacat d’aguesta hèsta, eth Show-Cooking en dirècte que, coma tostemp, compde damb uns convidats fòrça especiaus.

Era mongeta de Bossòst ei un producte unic a nivèu mondiau, ua varietat antiga e sense cap variacion hibrida.

Per ara, aguest producte non ei comercializat pr’amor qu’eth nivèu de produccion non ei suficient, mès se demore qu’en un parelh d’ans dejà se pogue méter ara venta.

Aguest dissabte e dimenge non vos podetz pèrder era naua edicion d’Era Mongetada, ua hèsta ena que predominaràn eth bon minjar e, sustot, eth bon ambient enes carrèrs de Bossòst e Garòs.


Clara Villar