Societat
3au edicion dera Vielha Cycling Tour
Damb mès de 800 participaires que circulèren per França e Aran
Arribe era tresau edicion dera Vielha Cycling Tour deman dissabte 19 de junhsèga per tota era Val d’Aran.
Aguesta pròva non competitiua, aurà Vielha coma lòc de gessuda (entàs 8 ores deth maitin e d’arribada ena plaça dera glèisa, e trauessarà bona part dera orografia dera Val d’Aran e deth sud de França.
Se demore era participacion de mès de 800 participaires, e compdarà damb era preséncia de ciclistes professionaus e semiprofessionaus.
Era Vielha Cycling Tour ei organizat peth Club Ciclista Vielha, e ei compausada de dues distàncies: Era de Miei Hons, de 90 kms, damb era pujada as pòrts deth Plan Batalhèr, Pòrt deth Portilhon per 2 viatges e arribada en Vielha damb un totau de 2682 mètres de desnivèu positiu, e era Gran Hons, de 155 kms, damb es madeishi pòrts, e damb er ahijut deth Pòrt de Balès e un totau de 3700 mètres de desnivèu positiu.
Se demore ues temperatures tanplan nautes ena pròva per çò qu’es punts d’aigua aumentaràn e seràn mès reforçadi entà garantir era seguretat de toti es participaires. Eth ciclista que puge mès rapid eth Portilhon aurà coma prèmi un mailhot especiau.