Pendent eth dia d’ager s’amièc a tèrme era visita institucionau entà Aran deth conselhèr d’Espòrts dera Generalitat de Catalunya, Berni Álvarez, acompanhat peth secretari generau Abel García, que sigueren recebudi pera sindica d’Aran, Maria Vergés e eth vicesindic tresau e conselhèr d’Espòrts, Javier Cavero.

Era trobada servic entà trasladar ath conselhèr Álvarez eth besonh d’iniciar es trabalhs entath traspàs des competéncies en matèria d’espòrts ath Conselh Generau d’Aran que permete eth desvolopament des politiques e projèctes qu’en matèria esportiva e socioeconomica a de besonh eth nòste territòri, e qu’en mès de trenta ans non s’a desvolopat encara.

Era visita a servit tanben entà trasladar ath conselhèr Álvarez eth projècte qu’impulse eth Conselh Generau d’Aran entà qu’eth territòri pogue compdar damb un centre especializat en nhèu e montanha, qu’ath delà de potenciar ua grana basa d’esportistes sigue tanben un referent en matèria d’innovacion e medicina esportiva.