Aguesta quantitat se distribuís en 568.132,23€ entar Ajuntament de Vielha e Mijaran e 2.625.000€ entà totes es EMDs.

Aguesta linha de subvencions permeterà destinar aguesta quantitat de sòs entà poder amiar a tèrme grani projèctes qu’es EMDs agen entà milhorar es pòbles, ja siguen carrèrs, equipaments e/o servicis basics. Ua chifra fòrça mès anauta qu’en anterior PUOSC en periòde 2020-24, que siguec de 841.685,52€.

“Des der Ajuntament de Vielha e Mijaran mantiem eth nòste compromís de collaborar damb es EMD en tot çò qu’agen de besonh. Enes darrères setmanes auem mantengut diuèrses amassades damb totes es EMD deth municipi entà concretar e veir coma hèr realitat es principaus accions a desvolopar en cadun des pòbles”, comente eth baile de Vielha e Mijaran, Juan Antonio Serrano. E ahig que “des der equip de govèrn de Vielha e Mijaran seguim en tot contribuïr economicament damb aqueri projèctes qu’es EMD volguen amiar a tèrme, qu’en diuèrsi casi supause que des deth consistòri duplicam era aportacion as pòbles. Tot açò en benefici de toti es vesins de Vielha e Mijaran, en tot cercar arténher eth maximal benèster possible. Tà nosati ei fonamentau seguir en tot ajudar e collaborar damb es besonhs e prioritats des pòbles e atau contunharam entà auer ua relacion pròplèu entre es administracions”.


HÒNT: AJUNTAMENT DE VIELHA E MIJARAN