Vielha e Mijaran a aprovat damb es vòts a favor dera equipa de govèrn d’Unitat d’Aran, era abstencion de Convergéncia Aranesa e eth vòt en contra d’Aran Amassa ua pujada d’impòsti d’un 3,5%, en tot èster justificat pr’amor d’un equiparament damb er IPC.

Segontes informe eth consistòri, aguesta mesura a coma objectiu implementar ua milhora des servicis qu’actuaument prèste er Ajuntament de Vielha e Mijaran vèrs era ciutadania, atau coma fomentar ua modernizacion qu’ei de besonh dera administracion. Ath delà, s’explique qu’es impòsti d’aguesta forma non s’an pujat en 8 ans.

Entre es auments mès significatiu destaque era pujada der IBI en 0,02 punts, er impòst a veïculs en 0,04 punts o er impòst tà amiar endauant òbres que puge 0,13 punts.