S'apròpe era sason de romiatges en municipi de Vielha e Mijaran

04/05/2017

Un an mès, es pòbles deVielha e Mijaran contunhen celebrant ua des sues tradicions mès tipiques: es romiatges o santets, un clar exemple dera sua identitat culturau. 

Es prumèrs romiatges d'aguest mes de mai son eth Santet de Sant Joan de Vila e Arròs eth dia 7, era Mair de Diu des Desamparats de Montcorbau eth dia 14 e eth romiatge de Santa Quitèria, ena Boca sud deth Tunèl, dimenge 21.

Se tracte d'hèstes religioses a on es vesins deth pòble se dirigissen a ua capèla o santuari, a on eth capelhan benedís eth tèrme, es animaus e as pròpies persones e demane emparament ath sant. 

Ei eth moment de celebrar era fin der iuèrn e era arribada dera primauera e er ostiu, ath delà de poder gaudir d'uns moment plan agradables amassa damb es vesins deth pòble.

IMATGE: AJUNTAMENT DE VIELHA E MIJARAN
Clara Villar