Naut Aran apròve ua modificacion pressupostària de 1.282.000 €

30/04/2020

Er Ajuntament deth Naut Aran a aprovat ua modificacion pressupostària de 1.282.000 èuros en sòn prumèr Plen ordinari celebrat de forma telematica. 

En aguesta modificacion deth pressupòst suberges era partida de 480.000 èuros entà pagar eth cànon de sanejament ara Agéncia Catalana der Aigua. 

Tanben s’a creat ua partida de 100.000 èuros entà qu’era fibra optica pogue arribar as pòbles d’Unha e Bagergue. 

En aguest sens se demore que tà finaus d’aguest 2020 totes es localitats deth Naut Aran poguen dispausar de fibra optica.

Suberges tanben era partida de 200.000 èuros, que seràn destinadi a rehèr tota era trauèssa dera carretèra C-28 en sòn pas per Salardú. 

Ath delà, eth Consistòri deth Naut Aran a hèt ua demanda de 2.000 mascaretes FPP2 reutilizables que en arribar seràn repartides entre toti es vesins deth municipi de forma totauments gratuïta.

Laura Rodríguez