Naut Aran apròve ua modificacion de credit de 200.000 èuros

18/06/2020

Eth Plen der Ajuntament de Naut Aran a aprovat era tresau modificiacion de credit en çò qu’a estat eth prumèr Plen celebrat de manèra presenciau des deth patac deth Coronavirus.

Era modificacion de credit ei de 200.000 èuros. D’aguesti, 40.000 èuros se somaràn a ua partida dejà existenta qu’ei destinada ara creacion de lòcs de trabalhs restacadi damb era mantenença des localitats deth municipi

Ath delà, eth Consistòri destinarà 100.000 èuros entara crompa de finques rustiques en terçon de Pujòlo, en tot estudiar se bèth terren d’aqueri poirie èster avient entà bastir quauque equipament municipau esportiu.

Suberges tanben era pretension d’amiar a tèrme ua campanha publicitària en hilats sociaus e en premsa escrita damb er objectiu de prebotjar eth sector dera ostalaria deth Naut Aran

Era partida entad aguesta campanha serie de 50.000 èuros e es 35 establiments otelèrs qu’acostumen a daurir en ostiu en naut Aran se i poirien beneficiar. 

Ua estrategia publicitària qu’aufririe a cada client un abonament de 25 èuros tà gastar en un bar o retsaurant assignat  tostemp que se lotgèsse au mens 3 dies en un otèl deth municipi.

Laura Rodríguez