Eth Plen der Ajuntament de Naut Aran a aprovat aguest maitin ena sua session ordinària per unanimitat era bonificacion der impòst de bens immòbles entàs vesins empadronadi de Naut Aran. Es casi que se contemplen laguens d’aguest ajut son es que compden damb ua prumèra viuenda, bòrdes e solars que i a en casc urban e non trèn profitament, bars, restaurans e hotèls que daurissen un minim de 150 dies ar an, bòrdes agropecuàries e cabanes e bòrdes de terren rustic que non an activitat economica. Per exemple, se un vesin en 2023 auec de pagar un totau de 200 € per IBI e en 2024, 240 èuros, eth consistòri se harie cargue d’aquera diferéncia de 40 èuros entre aguesti dus ans.

Des deth consistòri s’a destacat qu’es vesins veiràn un gran estauvi ena sua factura annau e que sonque se’n veiràn beneficiadi persones que compden damb dusaues residéncies o terrens d’explotacions economiques