Es pròplèu 15 e 16 de març, Vielha tornarà a celebrar ua naua edicion deth hestau de cinèma de montanha Mendi Tour Vielha.

Aguesta collaboracion s’inicièc damb convèrses entre Edurne Pasaban, prumèra henna en tot hèr es 14 ueitmils deth mon, e eth baile de Vielha e Mijaran Juna Antonio Serrano entà portar un hestau esportiu e d emontanha de qualitat ad aguest parçan.

Pendent aguesta 6au edicion, se projectaràn un totau de 8 pellicules entre eth diuendres 15 e eth dissabte 16 d emarç e era entrada as jornades ei gratuïta, enquia completar er aforament dera sala d’Era Audiovisuau. Aguestes se poiràn recuélher fisicament ena sedença deth consistòri en orari abituau, de deluns a diuendres, des 08:00 as 14:00.

De cada viatge mès, eth cap-lòc e era Val d’Aran en generau s’an convertit en un referent ara ora d’atrèir hestaus atau coma eveniments esportius de naut nivèu.