Er Ajuntament de Vielha e Mijaran a amiat a tèrme mès accions de milhora en Palai de Gèu de Vielha. En aguesta escadença, a renauït part des maquines de musculacion ena zòna deth gimnàs, autant coma dera zòna de pes liure, e d’un aute costat, tanben an aquerit mès d’ua trentia de patins de gèu entara pista de gèu, entà aufrir un milhor servici as sòns abonats e d’auti clients que s’apròpen ath complèx.

Luenh se trapen es grèus crisis qu’a patit eth Palai de Gèu a on, per exemple, en mes de març de 2021 auec de barrar fòrça mesi pr’amor d’un problèma estructurau qu’afectaue  ara installacion e sustot ara seguretat des sòns usatgèrs.

Ara, era situacion a cambiat completaments e des deth complèx compden damb er actuau recòrd d’abonats e se trapen d’enorabona.

Eth consistòri seguís en tot sajar de renauir e milhora aguest espaci per fases entà qu’es vesins deth municipi e d’auti clients poguen gaudir des abituds saludables.