Eth Congrès des Deputats a aprovat aguest dimars ua mesura dirigida per Esquerra Republicana que reclame ar Estat incrementar es recorsi publics destinadi a deféner e potenciar era lengua aranesa. «Açò compararie ara Académia dera lengua aranesa as autes corporacions coma era Reiau Academia Espanhòla o er Institut d'Estudis Catalans», a declarat eth deputat republican en Congrès, Francesc-Marc Álvaro.


Aguesta prepausa a compdat damb es vòts favorables de toti es grops parlamentaris mens de VOX, qu'a votat eth contra, e eth PSOE, que s'a abstengut. "Lamentam qu'es socialistes non agen sostengut ad aguesta mesura, qu'ei bona e fòrça important entath futur dera lengua aranesa", a destacat eth deputat republican.


Actuauments, er Institut d'Estudis Aranesi ja arrecep finançament per part dera Generalitat de Catalonya e deth Conselh Generau d'Aran, mès damb es recorsi estataus obtierie uns hons de besonh entà seguir en tot emparar e en tot potenciar era lengua aranesa. «Ei important que dotem aguest organisme deth maximal nombre de recorsi possibles entà per'mor de deféner tant coma podem ua lengua coma er aranés», a concludit eth deputat republican.


HÒNT: ERC ALT PIRINEU I ARAN