Era Val d’Aran a arrecebut formaument de part der Estat Espanhòu era certificacion coma territòri Biosfèra.

Aguesta ei ua hita istorica entà Aran que non s’auie artenhut jamès, que supause un reconeishement internacionau e que place ath parçan coma referent entar impuls de bones practiques en desvolopament territoriau, ambientau e socioeconomic.

Era celebracion compdaue damb era interpretacion des còlhes de dances d’Aran en representacion dera cultura aranesa, un des pilars dera candidatura que presentèc era Val d’Aran ena UNESCO, un acte dubèrt ath public a on i  participauen ua bona part deth hilat sociau e economic deth país.

Era declaracion dera Val d’Aran  com a Resèrva dera Biosfèra se hec en Agadir (Marròc) eth passat mes de junhsèga, pendent era 36au edicion deth Conselh Internacionau de Coordinacion dera UNESCO tath programa “Òme e biosfèra”