Potenciar e revalorizar era Val de Toran. Aguest ei er objectiu des òbres de reforma e adequacion deth refugi dera Honeria e des actuacions de condicionament enes camins istorics dera zòna.  

Uns trabalhs qu’an un valor de lèu 450.000 euròs e son finançadi peth Departament d’Empresa e Coneishement dera Generalitat de Catalonha e hons pròpris deth Conselh Generau d’Aran. 

Es accions de senhalizacion d’itineraris de senderisme, ajudaràn a potenciar eth desvolopament toristic dera zòna d’ua forma responsable e sostenible, ath madeish temps que se presèrve er auviatge naturau e culturau que represente.

Per un aute costat, entara adeqüacion e eth renauiment dera installacion deth refugi dera Honeria se vòlen emplegar materiaus d’escassa mantenença e auançar ena melhora der isolament termic de façades.

Des deth Conselh insistissen en non se cerque era ampliacion deth refugi, senon eth sòn renauiment e adequacion, de forma qu’eth nombre de places se manten mès se realizen ua serie de melhores, pr’amor qu’era installacion ère obsoleta dempús de vint ans aufrint servici. 

Era prevision ei qu’aguesti trabalhs siguen finalizadi en mai de 2021.