Aran Amassa reaccione dauant eth cambi ena sindicatura d'Aran

06/11/2020

Era renóncia de Boya ena sindicatura d’Aran e eth relèu per part de qui ère vicesindica, Maria Vergés, a produsit un tèrratrem en mapa politic deth país.

En aguest sens, era formacion d’Aran Amassa, que compde damb representacion en bèri des Ajuntaments aranesi, tanben a volut expressar era sua opinion ath respècte.

Critica tanben ena gestion deth govèrn d’Aran en çò que tanh as sòs entà programes sociaus o inversions de besonh. 

Ath delà, Aran Amassa a volut destacar er incompliment dera Lei d’Aran per part der exsindic Boya en çò que tanh era incompatibilitat de cargues, pr’amor que siguec sindic e còsso en Ajuntament de Les ath madeish viatge. 

En aguest sens cau arrebrembar qu'era sindica, Maria Vergés, dejà a renonciat ath cargue coma còsso de Vielha e Mijaran, totun, des d’Aran Amassa, non son d’acòrd en com s’an assabentat dera decision.

Des dera formacion, ahigen, per respècte institucionau, demorauen ua comunicacion formau tàs membres deth Plen der Ajuntament de Vielha e Mijaran. 

Laura Rodríguez