Pendent aguest mes d’octobre s’iniciaràn es òbres en Salardú entara implantacion d’un sistèma de distribucion de calor, tanben nomentat (district heating) en aguesta poblacion. Sus açò, cau destacar qu’eth consistòri a era intencion de plaçar aguest sistèma de cauhament ath cant dera Aubèrja de Salardú damb eth prètzhèt de poder cauhar es principaus equipaments publics damb es que compde eth consistòri.En aguest sens, se’n veirien beneficiadi, entre d’auti, era sala polivalenta, era escòla Ruda, era piscina de Salardú, eth pròpri Ajuntament de Naut Aran, es rampes calefactades que i a en pròpri pòble o eth futur Centre Civic e Sociau de Salardú. Era forma de cauhament serà damb biomassa mejançant eth convèni forestau que se signèc damb eth Conselh Generau d’Aran er an passat e damb eth que s’inclodissen accions coma aguesta autant coma eth manteniment des pistes forestaus deth municipi.

Era inversion totau ascendirà enquias 1.408.000 èuros des quaus, 399.000 èuros seràn subvencionadi a trauès des hons Next Generation dera Union Europèa.Es òbres aurien de finalizar en mes d’agost der an que ven.