Era conselhèra de Territòri dera Generalitat de Catalonha, Ester Capella, a anonciat aguest maitin ena Comission d’Urbanisme dera Val d’Aran, hèta ena poblacion de Vielha, que s’inclodissen 131 naui municipis enes nomentades zònes tensionades d’abitatge. Aguesti, se somen as d’auti 140 municipis que ja formauen part d’aguesta distincion ena luta entà poder favorir er accès ara viuenda tàs vesins de tota Catalonha.

En aguest sens, gràcies ad aguest nau marc d’accion, i aurie 271 municipis implicadi que supausen eth 90% deth territòri en que i a abitants en Catalonha. Era majoria de municipis que se somen coma zòna tensionada an mens de 10.000 abitants.
En scenari a on a sautat era noticia, era Val d’Aran, s’i a includit coma municipi en zòna tensionada a Vielha e Mijaran, que compde damb eth 50% des abitants de tot  Aran.