Les redactarà un Plan de Vialitat e Mobilitat Urbana

15/07/2020

Es abituds de mobilitat que s’an imposat pendent es darrèri ans evolucionen entà naues manères de desplaçar-se. Ei per açò qu’er Ajuntament de Les, damb er objectiu d’adaptar-se as naui besonhs de mobilitat, a licitat uns estudis tecnics entà redactar un Plan de Vialitat e mobilitat urbana. 

Un document qu’a coma orizon estrategic contunhar en tot auançar cap a un modèu de vialitat e mobilitat collectiva mès eficient, segur, saludable e sostenible entath municipi.

En ua prumèra etapa se redactarà ua prepausa tecnica entà dempús convocar sessions informatiues e participatiues, a on era ciutadania poirà dar era sua opinion ath respècte.

Se demore que entath pròplèu an, eth 2021, dejà se poguen començar a executar es mesures que se n’extreiguen deth Plan de Vialitat e Mobilitat Urbana definitiu deth municipi de Les. 

Laura Rodríguez