Record d’inscripcions ad aguestes nautades ena Val d’Aran by UTMB. Era pròva de trailrunning mès espectacular de tota Espanha e ua des mès importantes d’Euròpa a venut mès deth 70% des sòns dorsaus damb mens d’un mes d’inscripcions dubèrtes.

En aguest sens, aguesta madeisha tarde, era corsa SKY de 15 km e 800 + a barrat oficiaument es inscripcions. Hè ua setmana siguec eth torn dera PDA de 55 km e 3300 + e en pògui dies tanben s’esgotèren es dera EXP de 30 km e 2100+

Era prevision ei era d’arribar as 7.000 inscrits, que supausarie un nau record entre totes es distàncies.

Encara son dubèrtes es inscripcions entàs dues corses mès longues d’aguesta Val d’Aran by UTMB: era Camins de Hèr de 110 km e mès de 6000 mètres positius e era Torn Val d’Aran de mès de 160 km e 10.000 positius. Cada an es montanhes e carrèrs deth territòri se meten de gala entà acuélher as participaires e as sòns acompanhants en un espectacle unic en aguesta disciplina