Pendent aguesti dies s’an iniciat es tradicionaus hèires de tardor de bestiar dera Val d’Aran. 

Enguan, s’a tornat a víuer ua situacion completaments anomala pr’amor que s’a detectat en punts pròplèus ath territòri ua malautia transmetuda per mosquits qu’afècte a oelhes, crabes e vaques e per aqueth motiu s’a informat des possibles causes que les poderie produsir ad aguestes bèsties.

Dejà s’a pogut veir aguesta incidéncia enes hèires de Les e de Salardú, amiades ager e aué a on sonque i auie preséncia de shivaus pr’amor d’aguesta problematica. Eth shivau ei un tipe de bèstia que non ei afectat per aguesta situacion.

Es hèires ramadères seguiràn a compdar de deman damb era de Vielha, que serà eth tresau emplaçament en dimars. De hè dejà fòrça ans, er Ajuntament de Bossòst decidic de plaçar era sua hèira ramadèra enes darreries deth mes d’octobre o principis de noveme. entà non ajuntar-se tant damb es autes tres.

Es hèires d’Aran son un des eveniments mès demoradi der an entàs vesins dera Val d’Aran pr’amor que supausen ua part importanta dera istòria e tradicion deth territòri.