Salardú vò èster uno de los pueblos más bonitos de España. Aguesta reconeishuda distincion de caractèr estatau, supause un gran impuls toristic entàs poblacions que compden damb era. Ei eth cas ena Val d’Aran de tres poblacions que dejà apertien ad aguest exclusiu listat de mès d’un centear de localitats en tota Espanha.

En aguest sens, dejà i son representades Bagergue, que de hèt siguec era prumèra en tota Catalonha en formar part d’aguest grop, e des der an passat tanben i son laguens es poblacions d’Arties e Garòs. Er Ajuntament de Naut Aran a coma objectiu seguir es madeishi passi que damb era certificacion de Viles Florides, e vò que toti es pòbles deth municipi poguen èster laguens d’aguest títol de Los Pueblos Más Bonitos de España.

Salardú destaque per èster eth cap-lòc de Naut Aran damb era glèisa de Sant Andrèu de Salardú d’origen romanica de transicion deth sègle XII e XII. En aguest emplaçament, s’acuelh era talha deth Crist de Salardú qu’ei ua des òbres mès represenatives deth romanic aranés. Amassa damb açò, es sòns entorns floridi autant coma eth gran numerò de servicis damb es que compde, la hèn ua possible candidata a pòble mès polit d’Espanha. Enes pròplèu mesi se decidirà se forme part deth reconeishement.