Espòrts
Prèvia Hèsta d'Aran
Damb era incorporacion deth hestau TerSon, que servirà entà atrèir a mès visitar a participar pendent aguesti dies
Era Val d’Aran hestege pendent aguesti dies era sua tradicionau hèsta d’Aran. Totun, enguan, mejançant eth nauedós format de TerSon l’an plantejat des deth Conselh Generau d’Aran d’ua forma tanplan diferenta damb tota ua sòrta d’activitats entà toti es publics enes que i a contempladi, teatre, damb Era Cabana de Les coma referéncia, actuacions musicaus, eveniments ar aire liure, entre d’auti.
Eth govèrn d’Aran cèrque atrèir era atencion des vesins deth territòri damb aguesti actes pr’amor qu’es pròpris vesins afirmauen qu’era hèsta d’Aran ère ua hèsta politica e institucionau sense guaire mès que non siguesse era tradicionau missa es dances e es parlaments.
Ara damb representacions coma era deth grop de Teatre era Cabana en aquestes dates, se vò cambiar aguesta percepcion.
Pendent tot eth fin de setmana s’haràn accions per tota era Val d’Aran damb eth tradicionau dia hestiu, eth 17 de junh, coma barrament principau damb era classica desfilada de pendons, er acte institucionau o eth prèmi 17 de junh qu’enguan s’autrège ara Associacion de Donants de Sang dera Val d’Aran.