Eth Servici Catalan der Espòrt a concedit ar Ajuntament de Les ua subvencion de 45.000 èuros entà impulsar e renauir es installacions dera zòna esportiua dera Cauarca.

Es accions se centrarien en substituïr er enlumenat deth camp de fotbòl atau coma der entorn dera zòna esportiua. Aguesta darrèra, afronte ua des sues darrères fases pr’amor que s’a hèt ua reforma integrau der espaci en tot dotar ad aguest complèx d’ua pista de fotbòl sala, cistalhes de basquetbòl, ua zòna de calistenia, ua rampa entà hèr skate, atau coma d’auti elements entara practica des espòrts e es abituds saludables.

Aguestes accions der enlumenat permeteràn as usatgèrs gaudir de mès ores d’aguest espaci atau coma ua milhora ena eficiéncia energetica.

Ua des darrères fases d’aguest gran projècte dera zòna esportiua serà era de corbir-la entà que se pogue practicar espòrt encara que plòigue o nhèue.