Dus joeni aranesi, amassa damb un collaborador, an lançat damb eth suport deth Conselh Generau d’Aran ua naua aplicacion mobila de torisme, era prumèra en nòste país. 

Eth sòn nòm, GuidAran, ac ditz ben clar, aguesta app vò èster ua guida toristica integrau dera Val d’Aran. 

Ua iniciatiua que neishec en veir qu’era digitalizacion cada viatge prenie mès importància ara ora de hèr torisme. 

Cultura, auviatge, gastronomia… Toti es atractius toristics qu’era Val d’Aran pòt aufrir dejà se pòden consultar a sonque ua guardada deth mòbil. GuidAran ei era demostracion de qu’eth torisme en Aran s’adapte as naui besonhs dera societat.

Aguesta app, qu’ei disponibla en aranés, català, castelhà, anglés e francés, dejà se pòt descargar.