Vielha a tornat a capitalizar era màger part dera accion d'aguest eveniment qu'ei eth mès important des pròves de trail running d'Espanha.

Com cap-lòc dera Val d'Aran auem estat ara nautada de çò qu'exigie era competicion, damb un village fòrça atractiu, era Sala de Contròtle, era gessuda e/o arribada de bona part des corses e, tanben, coma lòc d'acuelhuda des corredors dera VDA (163kms) que non poderen completar era pròva a conseqüéncia dera climatologia advèrsa, lotjadi en Palai d'Espòrts.

Tot eth sector toristic a podut trabalhar de valent pendent aguesta setmana, en çò qu'ei era corsa mès multitudinària der ostiu.

Arregraïm ara organizacion e volontaris eth trabalh realizat, damb qui auem podut collaborar en tot çò qu'auien de besonh.

Vielha a tornat a èster er epicentre der espòrt en Pirenèu, e atau seguirà pendent tot er ostiu.



HÒNT: AJUNTAMENT VIELHA E MIJARAN