Deman, tàs 18.30 ores, ena Plaça Fòrum de Baquèira 1500, se harà er acte d'inauguracion deth Freeride World Tour (FWT) 2025 Baqueira Beret, a on s'amassaràn es mielhors riders deth mon der esquí e snowboard.

Enguan era competicion que serà eth diuendres, càmbie de scenari e enlòc dera baishada deth Vacivèr se harà en municipi de Vielha e Mijaran, ena zòna batiada coma "Era Bamba", en epicentre deth país.

Era pròva, que compde damb eth supòrt deth Conselh Generau d’Aran, se poirà seguir en dirècte pes canaus oficiaus deth FWT e enes hilats sociaus de @freerideworldtour damb actualizacions en temps reau, e tanben s'installarà ua pantalha giganta ena zòna de Beret.


Des deth govèrn aranés volem desirar sòrt a toti es esportistes que competiràn ath long d’aguesti dies, fòrça especiaument ath rider aranés, Abel Moga, que participarà ena FWT BB Pro by Movistar e a toti es riders aranesi que participaràn ena Yeti FWT BB by Naut Aran Junior.


HÒNT: CONSELH GENERAU D'ARAN