Era Val d'Aran poirie comptar lèu damb federacions esportiues pròpies

07/11/2018

Era Val d’Aran poderie comptar lèu damb es sues pròpies federacions esportiues, un projècte que dejà contemplaue era Lei d’Aran e en quau s’està trebalhant entà arténher que sigue ua realitat pròplèuments.

Eth plen deth Conselh Generau d’Aran a aprovat iniciar es tramits d'ua iniciatiua legislatiua comarcau entath reconeishement des seleccions esportiues araneses laguens dera Lei der espòrt de Catalonha.

Aguest reconeishement esportiu se poderie tanben arténher a trauès d'un informe des servicis juridics deth departament de Presidéncia dera Generalitat entara sua tramitacion mejançant un acòrd de Govèrn basat ena Lei d’Aran que facultarie ath Govèrn catalan entà hèr realitat era creacion des federacions esportiues araneses.

Se demore que fòrça lèu es esportistes deth país poguen concórrer a trauès des federacions araneses en campionats d’àmbit catalan.
Clara Villar