Era EMD de Bagergue adjudiquèc aguesta òbra que consistís en ampliament d’aguesta cauçada, en tot passar des 3’5 m actuaus a ua amplada de 6 mètres de cauçada.

Er objectiu principau ei era melhora dera seguretat des veïculs en aguest tram que da accès ara part nauta de Bagergue e que comunique damb es pistes forestaus de Varradòs, Liat e Plan de Beret.

Aguest tram presentaue problèmes ena estabilizacion dera cauçada e era amplada qu’auie, dificultaue eth pas de dus veïculs en ambdús sentits e er accés a servicis coma era recuelhuda de lordères o era neteja de nhèu.

Tanben, ei prevista ua zòna entath pas de pedons e eth bastiment de 2 badenes, que haràn era foncion de recuelhuda d’aigua qu’actuauments non existien pas e tanben, entà amendrir era velocitat des veïculs.

Aguesta òbra promoiguda pera EMD de BAGERGUE, puge a un impòrt de 133.276’27€ e ei finançada ena sua major part, a trauès d’ua subvencion PUOSC dera Generalitat de Catalonha e der Ajuntament de Naut Aran.


HÒNT: EMD BAGERGUE

[