Gràcies a d'aguest nau materiau, es usatgèrs auràn ua grana milhora en emplec dera sala fitness e dera pista de gèu, coma part deth compromís deth consistòri per seguir en tot garantir ua màger qualitat deth conjunt des servicis que s'aufrís en Palai de Gèu, que balhe servici a tota era poblacion dera Val d'Aran.

Pendent es darrèri ans, er aument important d'usatgèrs que recep eth Palai, obligue a auer eth materiau enes condicions avientes e damb era quantitat que merite eth corrècte foncionament des espacis. D'aciu eth besonh d'aquerir aguest nau materiau.

“Seguim damb eth compromís de milhorar e aufrir ua màger qualitat des servicis deth Palai de Gèu as nòsti usatgèrs. En aguest cas, as usatgèrs dera sala fitness e era pista de gèu, qu'auien de besonh nau materiau”, comente eth còsso d'espòrts de Vielha e Mijaran, David Moreno. E ahig qu'“autant ena sala fitness coma ena pista de gèu i auem hèt milhores constants, e atau auem de seguir entà auer es espacis enes condicions avientes entara practica esportiua”.


HÒNT: AJUNTAMENT VIELHA E MIJARAN