Bossòst non s’ac a pensat dus viatges entà renèisher des cendres qu’a deishat era pandèmia dera Covid-19, e a trauèrs der Ajuntament a lançat enes hilats sociaus un vidèo promocionau deth municipi.

Natura, espòrt, auviatge culturau, comèrç, gastronomia… Aguest vidèo met en valor es tresaurs deth municipi damb era finalitat d’atrèir torisme non sonque en aguesta sason d’ostiu que dejà a començat, senon ath long de tot er an.

Prèsti tanben entà aufrir toti es servicis damb era maxima seguretat en aguesti tempsi dificils de crisi sanitària. Cau arrebrembar qu’ena actualitat era Val d’Aran ei un des territòris mès segurs der Estat en non compdar damb cap de cas positiu. 

Maugrat açò, eth municipi non baishe era guàrdia e contunhe en tot respectar es protocòls preventius dauant era pandèmia. 

Eth vidèo ei en castelhan damb er objectiu d’incidir en mercat nacionau, mès compde tanben damb subtítols en francés, eth torista tradicionau deth municipi.