Baqueira/Beret daurís eth dissabte 1 de deseme

29/11/2018

Un des dies mès demoradi entara Val d’Aran ja ei aciu: aguest pròplèu dissabte 1 de deseme Baqueira/Beret daurís es sues pòrtes entà començar era naua sason 2018/2019. Eth motor dera activitat economica dera Val ei era nhèu, e per aquerò eth dauriment des installacions de Baqueira ei tan bona notícia entàs aranesi e residents ena Val.

Damb es fòrtes nheuades a principis de noveme e era produccion de nhèu des darrères setmanes se preve era dubertura de 27 km de pistes ena zòna de Baqueira. Es espesors actuauments son de 30 cm en 2500 e 15 cm en 1800.

Tanplan, es expectatives d’ocupacion toristica entara naua sason son nautes d’acòrd ara tendéncia des darrèri ans en matèria toristica.

Damb motiu dera inauguracion dera sason, eth prètz deth forfait serà especiau e se plaçarà en 31€ eth des adults de dia  e en 21 € er infantil de dia. Ath delà, es responsables tecnics dera estacion ja se trapen en tot trabalhar entà hèr possibla era dubertura de mès pistes e remontadors de cara ath pònt dera Purissima de deseme.

Laura Rodríguez