Era estacion preve daurir damb orari d'atencion ampliada de cara as gestions iniciaus de sason que volguen hèr presenciaument es clients, especiuaments es de BaqueiraPASS. Er orari serà de 9 a 15 o diuendres e dissabte (dimenge barrat) enes naui burèus de Baquèira 1500.

Tanben seràn daurides es installacions renauides de Baquèira Store en 1500 que compden damb un corner de producte exclusiu Baquèira-Beret e era botiga plaçada en centre comerciau de Ruda, ath delà des sauva-esquís, es cridadi ara Baqueira Lockers, d'ambdues. Er orari serà diuendres de 10 a 19 o e eth dissabte de 10 a 13 o.

D'aute biais, se començarà des dera net deth dijaus 5 de deseme eth restaurant Wine Bar by Vinya Pomal plaçat ena plaça deth Fòrum de Baqueira, just ath cant der Otèl Montarto. Serà en foncionament damb orari de 13 a 23 o dijaus, de 9 a 23 o diuendres e dissabte, e de 9 a 13 o dimenge. En madeish endret eth Drinkery Sports Bar serà daurit e aufrirà eth partit de fotbòl Girona-Real Madrid des 21 o de dissabte e eth sòn orari serà diuendres e dissabte de 16 o a miejanet. D'auta part, diuendres peth maitin tanben inaugurarà er iuèrn era cafetería e geladeria Haägen Dazs plaçada en centre comerciau de Ruda que daurirà dijaus de 15 a 20 o, diuendres e dissabte de 8 a 20 o. e dimenge de 8 a 14 o.


HÒNT: BAQUEIRA-BERET