Aranpark barre es sues pòrtes dempús de un an complicat

08/11/2021

Era COVID-19 e eth barrament deth Pòrt deth Portilhon an precipitat era queiguda de visitants enguan

Eth Parc de Fauna e Flòra Autoctòna Aranpark a barrat es sues pòrtes dempús d'ua sason complicada afectada pera crisi sanitària deth coronavirus e eth barrament deth Pòrt deth Portilhon des deth passat mes de gèr.

Aguest darrèr hèt a perjudicat primordiaument ath parc pr'amor que se tròbe plaçat en madeish Portilló e un gran nombre des sòns clients provien der aute costat dera termièra de poblacions coma per exemple Luchon. A compdar de que se produsic eth barrament d’aguest espaci, es chifres de toristes en parc an disminuit considerablaments. Totun, an artenhut un totau de 35.000 visitants, que son 10.000 mens qu'eth maximom qu'obtengueren hè un parelh d’ans.

Aranpark ei un des majors atractius qu'a era Val d’Aran pr'amor que garantís era possibilitat de poder veir diuèrsi tipe de bésties que serie impossible de visionar-los se non siguesse pr'amor que son en aguest endret. En aguest sens, es atraccions estela acostumen a èster es ossi, es luèires o es marmotes, mès enguan tanben an agut fòrça succès es petiti lops grisi qu'arribèren enes installacions aguest an.

Un viatge barrat eth complèx  d’Aranpark, ara seguiràn es tractaments e alimentacion as animaus, sustot as espècies que non hivernen qu’en son era grana majoria.

Àlvar Ordoñez