Espòrts
Aran persute ena milhora dera N-230 damb ua amassada damb eth Ministèri de Transpòrt
Damb eth prètzhèt que pogue esdevier ua realitat en uns ans
Era sindica d’Aran, Maria Vergés, s’a amassat ena sedença deth Ministèri de Transpòrts e Mobilitat Sostenibla en Madrid, damb era secretària generau de Transpòrt Terrèstre der Estat, Marta Serrano, entà tractar er actuau estat deth projècte de condicionament dera carretèra nacionau 230 en qué trabalhe eth Ministèri.
Pendent era amassada s'a parlat sus er estat des trabalhs iniciadi peth Ministèri entà melhorar era N-230 que serviràn entà descongestionar aguesta artèria de comunicacion rotèra entre Aran, Estat espanhòu e França.
Actuauments se trapen ja en procès de redaccion es projèctes des trams Almenar-Benabarre e Benabarre-Sopeira. Per çò que hè ath tram de Sopeira-Boca Sud deth tunèl de Vielha se trabalhe ena licitacion deth projècte qu'a ua complexitat fòrça nauta pr'amor de qüestions ambientaus e geografiques. Atau madeish, era redaccion deth projècte entre era boca nord deth tunèl e Vielha ei dejà en marcha.
Eth compromís der Estat damb aguesta melhora a suposat tara Val d’Aran un important auanç, pr’amor dera demana reïterativa ath long dera istòria d’aguest condicionament, sustot entà melhorar-ne era seguretat.