Eth Conselh Generau d’Aran, fomente un an mès era luta pera igualtat de genre a trauès dera activitat esportiva.


Eth dimenge 9 de març, tàs 11 ores, se harà ua naua edicion, era onzau, dera Corsa dera Hemna, un eveniment  esportiu  e tanben de luta pera igualtat de genre e eth desvolopament integrau des hemnes enes diuèrsi sectors dera societat.


Era Corsa dera Hemna, mos prepause enguan un recorrut adaptat entà toti es nivèus, e en dues modalitats: ua caminada populara e ua corsa cronometrada. Aguestes modalitats permeten era participacion de persones de totes es edats e condicions, e favorís un ambient inclusiu e participatiu.


Un compromés damb era societat a on eth Conselh Generau d’Aran, a trauès deth sòn airau d’Espòrts, met en valor era importància dera sensibilizacion e educacion ena igualtat de genre e era coesion sociau, e promò era practica esportiva coma un element clau entà amiar un estil de vida saludable.


Dubèrtes es inscripcions presenciaus aué diuendres e deman dissabte en orari des 17,00 as 20,00 ores ena sedença deth govèrn aranés.

Mès informacion en: https://www.rockthesport.com/ca/esdeveniment/11au-corsa-dera-hemna


HÒNT: CONSELH GENERAU D'ARAN