Eth municipi d’Es Bòrdes, plaçat en terçon de Lairissa, se trape ena confluència entre es vals deth Garona e deth Joeu. Compde damb ua poblacion de 266 abitants.

A ua extension de 21 quilomètres quarradi e ua nautada de 852 mètres.

Enes darrères eleccions, sigueren 5 es còssos entà escuélher, més er augment ena poblacion d’Es Bòrdes a hèt qu’enguan siguen 7 es còssos tà escuélher.

Arrebrembam qu’enes eleccions de 2015 eth grop politic de CDA ’Unitat d’Aran artenhec 4 còssos e eth grop d’Unitat d’Aran n’artenhec 1.

Er actuau baile, Francés Medan, ath cap der Ajuntament des der an 1987, dèishe d’èster ena prumèra linha dera politica.  En sòn lòc, se presente coma candidat per Convergéncia Democratica Aranesa Jòrdi Socasau.

Pera sua part, Ròsa Mirat ei era candidata tà arribar ara alcaldia d’Es Bòrdes per Unitat d’Aran.

Ara tòque demorar enquiath 26 de mai tà saber qu’ei çò qu’es abitants d’Es Bòrdes decidissen.