Aué, dimèrcles 15 de mai tàs 22 ores dera net, estrea deth debat electorau der Ajuntament de Vielha e Mijaran.

Juan Antonio Serrano, candidat per UA, Pau Perdices, candidat per CDA, e Antonio Escuin, candidat per Ciutadans, mos aproparàn eth sòn programa electorau. E ac haràn en tot debàter en un cara a cara sus diuèrsi ahèrs restacadi damb er Ajuntament de Vielha e Mijaran.

Aguest debat electorau s’estructurarà en diuèrsi blòcs tematics. Es candidats an, d’aguesta forma, ua menuta entà exposar era sua vision en relacion damb es ahèrs prepausadi. Dempús, se daurirà un torn de replica e allegacions en qu’es tres candidats auràn era oportunitat de deféner eth sòn punt de vista e rebàter ath contrari.

Economia, infraestructures, trabalh, e era problematica der accés ara viuenda son bèri des temes mès destacadi des que se parlarà en debat.

Ath finau d’aguest cara a cara electorau, Serrano, Perdices e Escuin demanaràn ena menuta d’aur eth vòt des ciutadans en tot balhar es arrasons pes quaus considèren qu’e son era milhor opcion tà èster eth pròplèu baile de Vielha.

Arrebrembam qu’aguest debat s’estree aué, dimèrcles 15 de mai, tàs 22 ores dera net, en Lleida Television e se tornarà a eméter deman, dijaus 16 de mai, tàs 12 deth meddia.