Era conselhèra d’agricultura, ramaderia, pesca e alimentacion de Catalonha, Meritxell Serret, a estat de visita pendent aguest dijaus ena Val d’Aran. Serret s’a amassat damb diuèrsi conselhèrs deth país ena sedença deth Govèrn d’Aran en Vielha. Pendent aguesta amassada, Serret a tractat diuèrsi ahèrs damb eth govèrn aranés, en desparièrs airaus deth sector primari.

Pendent aguesta visita, Serret a signat en libre d’aunor deth Conselh Generau d’Aran e a realizat ua visita en territòri a diuèrses empreses deth sector, coma Caviar Nacarii o era Hormatgeria Irissa. Serret, tanben a volut valorar era problematica der os ena agricultura e era pegesia.