Vilac mòstre era sua milhor version en tot presentar-se ara naua edicion de Viles Florides 2019

30/07/2019

Passejar bèth un d’aguesti dies per Vilac ei coma introdusir-se en un conde de fantasia: flors de tot tipe, manualitats e colors impregnen era localitat en tot aufrir ua experiéncia impossible de desbrembar.

E ei que enguan, eth pòble de Vilac se presente coma candidat tath concors de Viles Florides. E ac hè dempús de qu’er an passat artenhesse eth prèmi especiau de participacion ciutadana.

Ei per aquerò qu’es vesins agarren aguesta naua edicion deth certamen damb fòrça ganes e idèes plan originaus.

Un des grani beneficis de somar-se ad aguest concurs de Viles Florides ei era repercussion en turisme. Tot çò que damb er esfòrç s’a artenhut non passe bric inapercebut tàs visitants e toristes.

Vilac, d’aguesta forma, a demostrat non auer limits en çò que tanh ara capacitat de suenhar es sòns càrrers damb flors e tota sòrta de decoracions artesanaus.

Es “viles florides” destaquen pera sua accion reau e conscienta en matèria de ajardinament, païsatge urban e melhora dera qualitat de vida des sòns ciutadans.

Era sua catalogacion la decidís un jurat especializat en jardinería, paisatge, mobiliari urban e d’auti ahèrs restacadi.

E ara calerà demorar enquiath pròplèu 27 de seteme, quan se celebrarà era ceremònia de liurament des Flors d’Aunor 2019, en un acte en Lloret de Mar.
Laura Rodríguez