Vielha e Mijaran aurà ua estacion d’esquí er an 2018. Aguest ei eth nau projècte qu’eth govèrn municipau vò amiar a tèrme, e qu’ara madeish encara ei en fasa d’estudi. Era estacion serie plaçada en parçan der Espitau de Vielha, ena boca sud deth tunel de Vielha, e servirie coma punt de connexion damb eth Parc Nacionau d’Aigüestòrtes. Era naua infraestructura auria actiuetat autant en iuèrn coma en ostiu.

Eh projècte serà finançat pera Union Europèa, e hè part d’un programa a on tanben i participen Benasc e Lushon. Aguest projècte contemple eth profitament des installacions que dejà i a en parçan der Espitau de Vielha, coma ei eth refugi, entà poder acuélher as visitaires que vagen ara estacion. Ei, per tant, ua aufèrta esportiua e toristica mès dera Val d’Aran, centrada en municipi de Vielha e Mijaran.

Enes pròplèus setmanes gesserà a concors era licitacion des òbres entà bastir aguest nau projècte, en un encastre fòrça vèrge, a on enquiara era preséncia d’actiuetats umanes ei plan baisha.