Unanimitat ena amassada qu’an auut es bailes des pòbles deth municipi de Vielha e Mijaran entà debàter sus es 4 propòstes de Foment tara milhora dera N-230 en airau municipau.

Atau, toti es bailes an coincidit en qu’era quatau alternativa, qu’ei era milhor avalorada per Foment, ei era mès perjudiciau tara Val tant a nivèu socioeconomic coma mieiambientau.

Damb er objectiu de dar votz as futurs afectadi damb aguestes decisions, es vesins deth municipi, er Ajuntament de Vielha e Mijaran dejà a començat a préner accions.

Era preocupacion que s’a mostrat en aguesta amassada de bailes ei maxima per totes es repercussions economiques e ambientaus, e tanben pera inmediatesa des decisions. 

Pera sua part, er Ajuntament de Vielha e Mijaran dejà a demanat ath Govèrn Centrau ua amassada urgenta entà préner es decisions adientes, e lutar per minimizar es possibles perjudicis tara Val d’Aran.