Eth municipi de Vielha e Mijaran acuelherà eth pròplèu mes de març eth Festivau Mendi Tour, un eveniment dedicat ath cinèma de montanha, e que pendent es dies 10 e 11 de març se celebrarà ena sala Era Audiovisuau de Vielha.

Era aupinista Edurne Pasaban ei ua des mairies d’aguest festivau, e presentèc eth programa en Ajuntament deth cap-lòc deth país. Aguest cicle de cinèma ei un tour que se genère  per diuèrsi lòcs der Estat e en d’auti païsi, a compdar deth Bilbao Mendi Film, a on se prèmien as milhors películes deth mon qu’an era montanha coma èish centrau.

Pendent es dus dies qu’aurà lòc eth festivau en Vielha, se poderan vier un totau de 6 films, 3 per dia, a un prètz de 6€ per jornada. Es entrades dejà se pòden crompar ena Agéncia Kabi que regente Edurne Pasaban en Vielha. Aguest eveniment supause entà Vielha e Mijaran un refòrç ara idèa de destinacion de montanha.

Entà conéisher un shinhau mès çò qu’ei eth Festivau Mendi Tour, e auançar çò que se i poderà veir, vos deisham damb eth trailer oficiau der eveniment.