Destacada
Victòria d'autoritat dera AF Les deuant er Aitona (1-2)
19/03/2017
Es aranesi retròben eth camin dera victòria e pugen ena taula classificatòria
Era AF Les a obtengut ua gran victòria pendent aguesta tarde deuant der Aitona CEF per 1 gòl a 2, en tot demostrar ua superioritat importanta en jòc, mès que non s'a reflectit en marcador finau. Aguest partit ère fòrça important entàs dues equipes pr'amor qu'abantes de començar a jogar, èren plaçades enes dus darrèri lòcs dera taula, e per tant, era permanéncia ena 3au Catalana a somat un alicient mès ath partit.
Es de Les an dominat eth ritme deth partit des deth principi e s'an auançat en marcador ena menuta 22 damb un gòl de Rodrigo Folgar, que hège justícia a çò que se vedie en partit. Maugrat qu'era equipa a estat superiora en tota era prumèra part, ath descans s'a arribat damb ua avantatja cuèrta entàs visitaires.
Ena dusau part, es locaus an sajat de cercar er empat en tot moment, mès es jogadors dera AF Les an mantengut ua bona posicion e ua bona actitud en tot moment e an tapat quinsevolh tipe d'opcion der Aitona. Ena menuta 59 de partit, Héctor Moreno a convertit un lançament des des 11 mètres qu'a permetut ampliar eth marcador enquiath 0-2. Ara contra poderien auer sentenciat eth partit damb un resultat mès ample, mès non s'an profitat es oportunitats generades. Dejà ena darrèra menuta, er Aitona a marcat un gòl que sonque a servit entà sarrat eth resultat, mès que non a cambiat eth signe finau. D'aguesta manèra, es de Les s'an emportat ua victòria importanta entà casa, qu'aufrís morau e un shinhau d'aire frèsc entàs pròplèus jornades.
Segontes comentaue er entrenador dera AF Les, Martí Rovira, "aguesta victòria a estat plan importanta entà mantier totes es aspiracions de permanéncia. Auem guanhat a un rivau dirècte, e ath delà, auem trincat un seguit de jornades sense guanhar. Ei ua victòria morau qu'ère plan de besonh e demoram contunhar damb es boni resultats de cara as pròplèus jornades".
Damb era victòria, era AF Les some 17 punts e auance a La Granja d'Escarp CFA que se quede damb 16 punts, mentre qu'er Aitona contunharà ena darrèra plaça damb 14 punts. D'aguesta manèra, s'a guanhat a un rivau dirècte entara permanéncia, en tot tier en compde que sonque eth darrèr classificat baishe entara 4au Catalana.
Era pròplèu jornada, que serà era 25au, era AF Les visitarà ath Vilanova de la Barca, que se trape ena 7au posicion dera taula damb 40 punts, e que ven de pérder 4-3 damb eth Mangraners, eth líder deth grop. Aguest partit aurà lòc dimenge 26 de març a compdar des 17:00.
Es de Les an dominat eth ritme deth partit des deth principi e s'an auançat en marcador ena menuta 22 damb un gòl de Rodrigo Folgar, que hège justícia a çò que se vedie en partit. Maugrat qu'era equipa a estat superiora en tota era prumèra part, ath descans s'a arribat damb ua avantatja cuèrta entàs visitaires.
Ena dusau part, es locaus an sajat de cercar er empat en tot moment, mès es jogadors dera AF Les an mantengut ua bona posicion e ua bona actitud en tot moment e an tapat quinsevolh tipe d'opcion der Aitona. Ena menuta 59 de partit, Héctor Moreno a convertit un lançament des des 11 mètres qu'a permetut ampliar eth marcador enquiath 0-2. Ara contra poderien auer sentenciat eth partit damb un resultat mès ample, mès non s'an profitat es oportunitats generades. Dejà ena darrèra menuta, er Aitona a marcat un gòl que sonque a servit entà sarrat eth resultat, mès que non a cambiat eth signe finau. D'aguesta manèra, es de Les s'an emportat ua victòria importanta entà casa, qu'aufrís morau e un shinhau d'aire frèsc entàs pròplèus jornades.
Segontes comentaue er entrenador dera AF Les, Martí Rovira, "aguesta victòria a estat plan importanta entà mantier totes es aspiracions de permanéncia. Auem guanhat a un rivau dirècte, e ath delà, auem trincat un seguit de jornades sense guanhar. Ei ua victòria morau qu'ère plan de besonh e demoram contunhar damb es boni resultats de cara as pròplèus jornades".
Damb era victòria, era AF Les some 17 punts e auance a La Granja d'Escarp CFA que se quede damb 16 punts, mentre qu'er Aitona contunharà ena darrèra plaça damb 14 punts. D'aguesta manèra, s'a guanhat a un rivau dirècte entara permanéncia, en tot tier en compde que sonque eth darrèr classificat baishe entara 4au Catalana.
Era pròplèu jornada, que serà era 25au, era AF Les visitarà ath Vilanova de la Barca, que se trape ena 7au posicion dera taula damb 40 punts, e que ven de pérder 4-3 damb eth Mangraners, eth líder deth grop. Aguest partit aurà lòc dimenge 26 de març a compdar des 17:00.
Manu Moga