Diuendres passat gessèc en BOP dera provincia, era publicación deth concurs public  de tres finques en pòble de Bagergue. Aguesti terrens son part des plans parcials provinents des Normes Subsidiares dera Val d’Aran der an 1982. Enes finques subastades, qu’apartien ath plan parcial 1, se planteje era construccion de diuerses viuendes e otèls.

D’aguest prumer plan parcial, er Ajuntament de Naut Aran possedís un 10%, er equivalent a sies viuendes plaçades ath costat dera sala sociau de Bagergue, en tant qu’er EMD ne possedís un 20%.

Damb es beneficis que n’obtenge, er Ajuntament deth monicipi pretén hèr ua inversion entà poder melhorar ath torn d’un km dera carretera d’accés ath pòble. Ua obra valorada en miei milion d’euròs.

Es finques son valorades pes tecnics municipaus e tècnics deth Conselh Generau d’Aran en un totau de 480.000 euròs. Toti es interessats an enquiath dia 22 d’hereuèr entà hèr es sues propòstes en Ajuntament de Naut Aran.