Eth joen patinador aranés, Tòn Cónsul, participarà eth pròplèu mes de març en Campionat deth Mon de Taipei en China en dues categories: individuau e per parelhes. Era dusau modalitat, artenhuda damb era sua parelha artistica, Alexanne Bouillon, dempús d’obtier era puntuacion minima en Alemania eth passat 19 de hereuèr. Cónsul dejà afronte es darrères competicions júnior abantes de passar ara categoria sénior. Dejà, en passat Campionat d’Espanha de Patinatge celebrat en Vielha, comentaue es sòns desirs.
Tòn Cónsul ei ua des granes promeses der espòrt aranés, e a compdar der ostiu passat, viu en Canadà, a on se premanís entà poder arribar a èster un gran professionau deth patinatge artistic.