Eth patinador aranés Ton Cònsuldebute aué, amassa damb era sua parelha, Alexanne Bouillon, en Campionat deth món junior de patinatge artistic qu’aurà lòc aguesta semana en Taipei (Taiwan).

Cònsul e Bouillon competiràn aué madeish en programa cuert(de 12:00 a 14:30 ora espanhòla) e diuendres en long (de 12:00 a 14:50), segontes er aranés eth sòn principau objectiu ei “hèr ben aquerò qu’auem entrenat. Patinar deuant de 10.000 espectadors serà incresible”.

Encara que Cònsul, de 18 ans, dejà auie guanhat ua doble plaça istorica enes categories individuau e per parelhes, en aguest Mondiau, malastrosaments, competirà sonque per parelhes, decision qu’a pres era responsable de patinatge dera Federacion Espanhòla, Laia Papell.

Er aranés arreconeish senter-se “molt estonat e decebut” e ahig “non a estat ua decision mia, es entrenadors considerauen qu’auia de competir enes dues disciplines en aguest Campionat, mès Laia Papell prenec era decision per jo, sense dar-me era opcion de parla’c damb es mes entrenadors e poder decidir. E trebalhat fòrça dur durant era mia carrèra de patinador entà arténher uns minims, e dempús, seguir entrenant entà guanhar eth Nacionau que me portarie tath Mondiau. M’auessa encantat acabar era etapa d’individuau junior damb aguest Mondiau”.

Aguesta pròva se poderà seguir en dirècte per streaming ACIU

IMATGE: CONSELH GENERAU D'ARAN