Eth Departament de Territòri a licitat era redaccion d’un projècte entà melhorar era proteccion deuant possibles lauègi  ena zòna deth Cap deth Pòrt deth Pòrt dera Bonaigua, ena C-28. Eth document definirà es accions de besonh entà desvolopar un sistèma d’activacion controlada de lauègi, per prumèr viatge en hilat viari dera Generalitat, que permeterà favorir era mobilitat en aguest entorn.

Era redaccion d’aguest projècte se licite per un impòrt de 94.000 èuros e un termini de naui mesi e es òbres son avalorades en 1,5 MEUR. Actuauments, ena carretèra C-28, es lauègi se provocauen damb eth sistèma DaisyBell que consistís en petites explosions a base d’oxigèn e idrogèn en tot apropar-se damb un elicoptèr. Damb aguest nau sistèma, un tuèu serie er encuedat de produïr era explosion e, donc, aumentarie era seguretat e non i aurie condicionants meteorologics entà desvolopar-la.

Segontes s’informe des deth Centre de Lauègi deth Conselh Generau d’Aran, ei probable qu'aguest sistèma sigue prèst de cara ath 2026.