Dempús deth periòde d’iuernacion e damb era arribada deth bon temps d’aguesti darrèri dies, es agents deth departament d’Agricultura, Ramaderia e Miei Naturau e era Patrolha Os deth Conselh Generau d’Aran an comunicat que dejà s’an detectat es prumèrs indicis de movement des ossi en territòri. 

Pendent es darrères setmanes es expèrts an trapat peades d’un mascle ena nhèu pera zòna dera Val de Toran, s’estime que pròp dera tuta a on passe era iuernarnacion, ath delà s’a fotografiat tanben un aute exemplar d’os en Baish Aran.

Atau madeish, eth seguiment GPS que se hè a Goiat, eth nau mascle liberat er an passat pera Generalitat, mòstre un inici dera sua activitat damb petits movements a pògui centenats de mètres dera sua tuta d’iuernacion, situada tanben en ua inaccesible zòna deth Baish Aran.

Peth moment, toti es  movements que s’an observat son en exemplars mascles. Açò ei pr’amor qu’era iuernacion des femelhes, sustot se an ossardets, ei ues setmanes mès longa qu’era des mascles. Se demore qu’es osses comencen a gésser des sues tutes en mes d’abriu.

IMATGES: CONSELH GENERAU D'ARAN