Enes rius dera Val d’Aran se comencen a veir es prumèri pescaires dera sason, des de que s’a encetat oficiauments era campanha de pesca, ena cèrca des trueites autoctònes. Enguan, eth periòde establit entà aguesta actiuetat s’esten a compdar der 1 d’abriu enquiath 31 d’agost. Dempús des riuades patides en an 2013, pendent es darrèri ans, es zònes de pesca abilitades son acotades. Entà poder saber es lòcs exactes a on se pòt pescar, eth Conselh Generau d’Aran a elaborat un mapa damb era situacion des rius e es lacs deth territòri. Ua des restriccions mès importantes ei en municipi de Naut Aran, a on ei totaument proïbida era pesca en riu Garona.

Ath delà, i a ua limitacion en çò que tanh ara chifra maximala de pèishi que se pòden pescar. Ena Garona, vertrebrador deth territòri, se pòde obtier un maxim de 4 truèites ath dia. Enes afluents un maxim de 5 e enes lacs e estanhs, un maxim de 12 truèites per dia.

De totes formes, ua des alternatiues mès estenudes ei era pesca sense mòrt, que son emplegades per molti pescaires com entrenament de cara a desparièri campionats de pesca qu’an lòc pendent era primauera e er ostiu.

Se mès non, damb aguestes actiuetats se pòden veir ua des espécies autoctònes des rius aranesi coma ei era trueita irisada, que se crie en desparières installacions dera Val d’Aran. Per tant, dejà s’a iniciat un an mès, ua actiuetat plan abituau entre es aranesi e visitaires.